Poemas en el idioma Mam de Guatemala (PAKAB’ TOJ Q’YOL MAM)

1)   TXUB’AJ (Madre)

AYA  TXUB’AJ  CHI’YA

SE’N JUN JUNCAB’

AYE’ TWITZA  TB’ANIL

AKU’   KYA’J.

AJ  NJUB’ TQ’ONA

TKY’ETZ TANMIYA

NJAW  TZALAJ  WANMIYE

N-NOK  NMATZINA.

2)   AJ NCH’IYE  (Cuando Crezca)

NA  AJ NCHIYE

KB’EL NB’INCHINE   JUN YOTX

TU’N TPON KANUN  TWITZ  KYA’J

KB’ELITZ NCHUNE TXQAN  CHE’W.

KB’EL NNOJSANE NCH’UXE

TE  TXQAN CHE’W EX TE  JECHE’W

CHIN KB’ELITZ TZUNTZE TXOLILTE

KXOL  K’WAL  TOJ JAXNAQ’TZB’IL

ATZUNTEYA  NA

KB’ELITZ  WINE  QTXU  XJAW

TU’NTZUN  TKY’ENT   TOJ  JA

TU’TZUN  MIN B’AJA  QOPTZAJ

 

 3) TXUB’AJ (Madre)

NA XAWANKUXI’XA

TE Q’IJ JA’LO

KB’EL NTZ’IB’ANE

A  NXI’ NMANE  TEYA  JUN JUN  Q’IJ

NELA  WEYE  TE JUN  XJAN  XJAL

NCHIN  LAQJE’ TIJA  TU’N

TKYEQIL  WALMYE.

NXI’ NSAMANE JUN  TMATZA

TOJ  JUN JUN YOL

TU’N  TB’INTEYA  QA  NCHIN  LAQJE’  TI’JA.

 

4) TAT (Papá)

 JAWNIXI’X  EX  KUWXI’X  TATA

AYE  TQ’OB’  KUWQE’

SE’N JUN  K’OL EX  JUN TZIS

ATZUN TZE’N

CHI’  KSE’N  KAB’

AJ  TXI’  NQ’ONE

JUN TMATZ  NOK   NTZ’ULINE’

 

 

5)  NAJTNAM ( Pueblo Mío)

K’UJLAJTIB’IL  TEYA  NAJTNAM

XAWANKUXI’X  TTX’OTX’A

K’UJLAJTIB’IL  TEYA.

NAJTNAM TE NAJTNAM

TOKXA TOJ TXMILAL WANMIYE

KUKX NTZAJ  NNANE’ T-ACHB’AJILA

TOJ TZUN E’  WITZ TOKX  TQ’INUMALA

XAWANKUXI’XA  NAJTNAM.

 

6)  Q’UQ’  PICH’ (Hermoso Pájaro)

 AYA  Q’UQ’  PICH’

KYE  QXJALI   QTXEWNAQ

TILB’ILAL   TOK  TI’J  TSUT  QTANAM

TECHLAL  NAJTANAM  TA .

A  TXMILALA  NQOPTZ’AJ

NTQ’MAN TZAQPIL   TIB’IL

QTANAM  EX  QXJALIL

TE PAXIL, Q’UQ’  PICH’

XAWANKUXI’XA.

 

 7)  T-SUT  QTANAM (Pueblo Guía)

K’UJLAJTIB’IL   TEYA  T-SUT  QTANAM

KUW  QXJALIL   XQ’ONTE  TCHWINQLALA

TE  NOQ’ Q’IN   B’INCHANA  TXIK’A

XTILUN  EX   XQ’ULIN  SE’N  KYA’J

T-SUT  QTANAM  TE  K’UJLAJTIB’IL

TE  TNUM  TE  PAXIL

TX’OTX’   TB’ANIL

JA  XIN   ITZ’JAYE’

AJ  TXI  NKAYINA

NSUTIANA  TU’N  KYQ’IQ’

A  NXIME’  NLIPAN  TI’JA.

 

8)  SAQ B’ECH (Flor Blanco)

 B’ECH  TE  TOJ  K’UL

  XTILUN  TWITZA

IKY  SE’N  JUN TXIN  NTZALAJ

AJ  KUB’   TZALAJSA’N   TQ’IJ

NCHIN  LAQJE   TI’JA

TB’ECH  QTANAM

NQOPTZ’AJA   KXOL   K’UK

TE  NTANAME’  TWITZ  PAXIL.

 

 9)  TQ’IJ   MANB’AJ (Día del Padre)

JA’LO  TQ’IJ  MANB’AJ

 B’INTAQ  TU’NA  TA?

NTZALAJA   NXI  KAYINE

IKTE  WILE’

LUTZUN  T-AJA  JSA

MA TZUL  Q’OLB’ELTEYA

LUTZUN  TMYALA

 CH’IYJSALTEYA  TOJ  TCHWINQLALA.

 

10) AJXNAQ’TZAL (Maestro)

AJXNAQ’TZAL  NB’ETA   TWI  TNAM

Q’OLTE  Q’AN  PWAQ  QUQ

TE  XNAQ’TZB’IL

NCHTILISANA  TOJ  B’E

SPIK’UN  Q’IJ  TU’NA

EX  TQAN  Q’AQ’  TOJ  TANMIYA

TB’ANIL EX   K’UJLAJTIB’IL

XNAQ’TZB’IL  NTAWANA

JA NTK’ANTSANA    TQAN  Q’AQ’

KXOL   AJXNAQ’TZANJTZ  TWI  TNAM

EX  TOJ  KOJB’IL.